JB.Group Classic 2008

一個不是網球迷的足球迷,都搞唔清楚一班女網球明星係邊個打邊個,只係識得嗰個舒拉寶娃同乜乜威廉絲,就無啦啦去咗睇最近嗰個JB.Group Classic 2008。唔係!正確D咁講,應該係呢個比賽嘅其中一個推廣活動-「星級網球教室」。

呢個活動,係由一班係世界排名中嘅前列份子,與一大大班讀緊書嘅網球界嘅未來,作一次網球交流。即係點?咪又係睇明星囉!不過呢班名星我唔多曉咁解。

點解會特登請半日假去睇?咪又係要陪人去囉!分別係人地係「參加者」,而自己係「觀眾」啫。




諗落都係一件好事,撗掂都未入過維園個網球主場,入去襯吓熱鬧,順便可以影吓相!影吓舒拉寶娃嘅芳容都好呀!正!點知原來冇佢份....有D失望囉!不過一D都冇影響到本人影相嘅心情,再加上新咭落地(筆者按:乃「8激」CF咭也),更可盡快地拍,返家一看,原來短短個半鐘頭,就打咗差不多五百張,比平時多咗成倍有多!相片真係影咗好多,但整理需時,睇怕聽日先出街啦!

No comments:

Post a Comment