呢次嘅作品，其實算唔上特別！大部份唔係球員大頭，就係普普通通嘅全身照。但起碼叫做合格吧！至少冇裁剪過，更唔需要點樣大執，最多只係用光影魔術手（咪就係格硬加大陸網站嗰個軟件）補補光，加吓相框咁。
嗰日，用番自己支Sigma 70-300遠攝變焦鏡，始終都係自己嘅，用係上嚟會比較得心應手，用慣咗嘛！唔好睇呢支嘢水貨只係賣千零蚊，但佢嘅解像度都幾好，影出嚟嘅效果都算幾好。當然唔好攞佢同小黑同小白相比，大佬！價錢差幾條街呀！
當然，某部份相就一定唔用長鏡啦！想攞哂個看台同小小球場，梗用Ａ１６啦。
好啦！唔廢話啦，睇相啦～～～
亞視嘅攝影師，Sorry，你被偷拍了。
呢位攝記，唔好以為我偷拍你，我嘅目標只係你手上支小白IS．．．
曾幾何時，做記者亦是筆者嘅理想．．．．．
好啦！一班我唔知佢地係乜水嘅女球星捨得出嚟啦。
佢地行去同班學員影相啦！呢個，係乜水？妖～鬼知咩！！
呢個？唔知，係長頸鹿掛～～～
咁佢呢？我可以肯定咁答，女人！
呢個我識！彭帥！話哂大家都係中國人．．．
我唔可以唔承認，個快門較得慢咗，球員嘅姿勢冇問題，但如果想個網球清楚Ｄ，就唔可以用二百份之一秒快門咁慢啦！
喂！個波去咗邊呀？你估我想咩！你估我用1Ds Mark III咩～～～
呢張總算滿意，夠光，夠清，又冇走焦。
呢位小姐，妳上鏡率都幾高喎．．．．
網球同太極Crossover？！？！
同班細路打波都好輕鬆，我諗佢地都滴汗不出呀！
呢張都頗滿意！
呢張，個樣朦咗Ｄ囉，反面教材之一．．．．．
打完波，梗係送番個親筆簽名網球比你地留念啦！死！但係送得比邊個呀？順得哥情失嫂意．．．
No comments:
Post a Comment