英格蘭，一世夠運？！

（圖片來源：http://sports.espn.go.com/）

英格蘭可謂一世夠運，除咗任用咗麥卡倫呢Ｄ咁「有料」嘅領隊，為國家隊在零八歐國盃嘅出線過程中，帶來歷來最驚險、最易令球迷心臟病發、最搞笑嘅領軍手法外，竟然仲有最幫得手嘅以色列！

以隊在主場對俄羅斯一役中，在最後階段射入一球，以二比一勝出，令對手的出線希望打咗個五折！如果英格蘭真係順利出線，呢一日應該會成為大不烈「癲」嘅法定公眾假期亦唔算過份！

相反，蘇格蘭就一世黑仔啦！佢地真係黑過地獄黑仔王，主場輸比意大利粉二比一，又係臨完場失手嗰隻！你話呢Ｄ仲唔係慘到冇朋友！