波衫的咀咒

我好想買荷蘭國家隊波衫，可是我真的不敢！因為我怕魔咒再臨。

「點解？」口痕友問我「肯定怕比老婆鬧啦！」

「你以為啦。」我回答道。

在此刻，段段往事湧現在我的腦海。唔好講咁多，去片～～～～

２０００年夏天，一向捧英格蘭的我在歐洲國家盃開波前，興致勃勃地走去睇波衫。最後，我都係買英格蘭啦！

英格蘭在當屆嘅表現，好似被咀咒一樣，第一場對葡萄牙領先兩粒都可比人連追三粒。以為第二場都嬴到德國有運行啦，點知第三場打和都可出線嘅情況下，終於輸埋比羅馬尼亞，‘光榮’出局。

２００２年夏天，四年一度嘅世界盃又嚟啦！！！我竟然又走去買波衫，在一次機緣巧合的情況下，在三間牌專門店花咗六舊水買咗件法國落場版，我好鍾意，仍然覺得好值。此時的我一點也沒有覺得有何不妥．．．．

最後法國隊嘅命運係點，唔駛我多講大家都知。

經過呢兩段咁深刻難忘嘅經歷，再加上燈神黃興貴嘅出現，比到我一Ｄ啟示，我應該買對家　！！！唔鍾意邊隊就買邊隊～～～正！

但因成本所限，最後比我嘅財政大臣否決咗。

荷蘭隊，我直至呢一刻都唔敢買你地件衫，明點解啦。