有抽濕機的日子

１２月１７日係朋友Ｓ嘅牛一之喜。 不少識我嘅人都知，我同我班中學死黨嘅生日聚會，係有互送禮物呢個環節。當然，我地唔會齋送禮物咁簡單，梗會加插一Ｄ別開生面嘅元素喺裡頭。

係咩？

就係抽禮物！！

點抽？

每人將心目中一份禮物寫低喺張紙仔度，摺埋佢，仲要唔可以比其他人知道你寫Ｄ乜。收集後，下次生日嗰位就隨意抽一張。唔好以為好簡單，個遊戲規則係未到頒獎一刻，收禮物嗰位係唔會知道自己會收到乜。唔單只咁，我地仲加插咗一份「鮮花加果籃」特別大獎，如果「幸運地」抽中，咁就會於生日當天收到這份驚喜。女仔收到就冇所謂，但如果比我地呢班堂堂男子抽中，要親自將佢由公司個接待處拎入自己個位度，途中會受到幾多對眼睛嘅注視，幾多驚訝的表情，想起也心有餘悸．．．

幸好這情況並冇喺我身上發生，真的要感謝神恩。

講番本篇的主角朋友Ｓ，當佢抽出其中一張紙仔，及後眾人打開來一睇，反應只有一個，係笑，應該係大笑。仲要係笑到眼淚水都出埋嗰隻。原因係紙上清清楚楚地寫著抽．濕．機三字！！！朋友Ｓ對不起，搞到那時候的妳異常無奈。真係冇計，呢Ｄ都只係自然反應。

最後，這位朋友Ｓ亦在生日當天，喺一片歡笑之中接過這份生日禮物。自此有一了一份令家居既乾爽又可愛的抽濕機。

大家亦為這位拖住「Hｅｌｌｏ　Ｋｉｔｔｙ抽濕機的電波少女」而開心呢～～～！！！